त्यो भीड
अन्धो र बहिरो,
सत्यलाई अन्धकारमा हराउँछ।
तर खोज त गर,
सत्य हराएको मात्र हो,
किनकि सत्य सधैं अन्तिम हुन्छ।
हाम्रो माझ
भीड र इतिहासमा बस्छ,
न त बङ्ग्याउन मिल्छ, न मेटाउन सकिन्छ,
सत्य सधैं अन्तिम हुन्छ।
शक्ति र सत्ता
अस्थायी हुन्,
कहिले यसको, कहिले उसको।
तर सत्य न त थिचिन्छ,
न दबिन्छ, न तर्सिन्छ,
सत्य सधैं अन्तिम हुन्छ।
जीवन रहला,
न रहला,
लडाइँ भने जारी रहन्छ।
जित हार
जसको भए पनि,
सत्य सधैं अन्तिम हुन्छ।
