३६. जीवनको शाश्वत सत्य

 

अमर त सत्कर्म हो, शरीर नाशवान 

सुन्दर त विचार हो, रूप बाहिरीपन।

 

अन्तर्दृष्टीले ब्रह्माण्ड देख्छ, आँखाले वरिपरी 

बैरी मित्र मनमा खेल्छ, जीव जगत सर्वोपरी।

 

न थियो, न छ आज, न भोलि रहन्छ

अस्थायी हो सब, चक्र घुमिरहन्छ।

 

न नाश अमूल्य जीवन, चोला एक बारको

उपहार बाँड खुशीको, होइन बजारको

 

छैन दुःख त, साथको लिन्छौं अनुभूति कसरी

समतामा समाज हुर्किन्छ मौल्याउँछ जसरी।

 

लडाई त हर युगमा चलेकै छ, अस्तित्वको

विजय त सधैँ एउटै हुन्छ, सत्य र धर्मको।

 

२०८२