३३. एक्लो यात्री र जनमतको मञ्च

 

एक्लैको यात्रा

 

केही पर अवश्य पुगिएला

गन्तव्यमा पनि पुगिएला

आवाज पनि होला दबिएको 

बोलिने मञ्च पनि होला जनमतको ।

 

एउटा ईटले मात्र

 

सबल आकृति दिन सकिँदैन

पर्खाल यसै भत्काउन सकिँदैन

टुक्रिएकाहरुले शासन कहिल्यै गर्दैनन्

एक्लै हिँड्नेहरु भीडमा भेटिने गर्दैनन् ।

 

चाहन्छौ परिवर्तन?

 

विचार बोकी एक्लो यात्रा शुरु गर

यात्रामा हिँडेकासँग एकताको पहल गर

ईट ईट मिलाई बलियो पर्खालको बनाऊ 

मञ्चबाट आवाज बुलन्द बनाऊ  ।

 

२०८२